ԱՐԵՎ կազմակերպության ծրագիր
Կայուն Զարգացման Հայկական Հիմնադրամը 2020 թվականի սարսափելի պատերազմից անմիջապես հետո սկսեց աշխատել Հայաստանում խոցելի կանանց հետ։
Հազարավոր կանայք այրի են դարձել կամ ստանձնել են հաշմանդամ դարձած ամուսինների խնամքը։
Իր գործընկերների հետ միասին Կայուն Զարգացման Հայկական Հիմնադրամն օգնում է այս կանանց հաղթահարել հետպատերազմյան շրջանի դժվարությունները:
«Արև» բարեգործական կազմակերպությունը կառավարչական աջակցություն է ցուցաբերել այս ծրագրերի պատշաճ և պատասխանատու իրականացման հարցում:
2022թ.-ին Ֆիշեր ընտանիքի և «Արև» բարեգործական կազմակերպության աջակցությամբ մեկնարկել ենք «Խոցելի կանանց հզորացում» ծրագիրը: Օգնել ենք պատերազմից տուժած ընտանիքների մի շարք կանանց ինքնուրույնություն ձեռք բերել՝ ձեռնարկատիրական գործունեության ստեղծման միջոցով:
2024 թվականին մեկնարկել ենք փախստական կանանց հզորացման նոր ծրագիր, որին աջակցում է Սուրբ Սարգիս բարեգործական հիմնադրամը: «Արև» բարեգործական կազմակերպությունն իր աջակցությունն է տրամադրել նաև այս ծրագրի կառավարմանը:
«Խոցելի կանանց հզորացում» ծրագրի շրջանակներում 2022 և 2023 թվականներին մեկնարկել է ավելի քան 50 ձեռնարկատիրական գործունեություն, որոնցից մի քանիսին աջակցում է «Արև» կազմակերպությունը։
|Մեր աշխատանքը|Կանանց հզորացում|Ավստրալիայի ուղղակի օգնություն|Աջակցություն Սուրբ Սարգիս ԲՀ կողմից|Արև կազմակերպության ծրագիր|